ශ්‍රී ලංකාව සහ ඉන්දියාව අතර ද්විපාර්ශ්වික ගිවිසුම් අත්සන් කිරීම අද පස්වරුවේ කොළඹ ජනාධිපති ලේකම් කාර්යාලයේදී සිදු විය. එම ගිවිසුම් 7 මෙසේය:
- බලශක්ති ආනයන හා අපනයන
- ඩිජිටල් පරිවර්තනය
- ආරක්ෂක සහයෝගීතාව
- නැගෙනහිර පළාතේ බහු-ආංශික ප්‍රදාන සහයෝගීතාව
- ඖෂධ සහ සෞඛ්‍ය
- ඉන්දියානු ඖෂධ සමාගම් සහ ජාතික ඖෂධ නියාමන අධිකාරිය අතර ගිවිසුම
- ත්‍රිකුණාමලය බලශක්ති මධ්‍යස්ථානය සඳහා විශේෂ ත්‍රෛපාර්ශ්වික ගිවිසුම.
ඒ අනුව, ආරක්ෂක, සෞඛ්‍ය, ඩිජිටල් තාක්ෂණය සහ ආර්ථිකය යන ක්ෂේත්‍රවල ද්විපාර්ශ්වික ගිවිසුම් අත්සන් කර ඇති බව සඳහන් වේ.
ඊට අමතරව, ඉන්දීය අග්‍රාමාත්‍යවරයා විසින් මෙගාවොට් 120 ක සාම්පූර් සූර්ය බලාගාරයේ ඉදිකිරීම් කටයුතු ද මාර්ගගතව ආරම්භ කරන ලදී.
ඉන්දීය අග්‍රාමාත්‍ය මෝදි මහතා දඹුල්ලේ ඉදිකරන ලද කෘෂිකාර්මික ශීතාගාර සංකීර්ණය සහ ආගමික ස්ථාන 5,000 ක වහලවල් මත ඉදිකරන ලද සූර්ය පැනල ව්‍යාපෘති ද මාර්ගගතව විවෘත කළේය.
