1987 වසරේ ජූලි මස 29 වැනිදා පැය 48 ක ඇඳිරිනීතියකින් සහ මරණ 140 ට පසුව රජීව් ගාන්ධි සමඟ ඉන්දු ලංකා ගිවිසුම නමින් ආරක්ෂක ගිවිසුමකට ශ්‍රී ලංකාවේ බලධාරීන් අත්සන් කරනු ලැබුවා. ඒහා සමාන භයානක තත්ත්වයකට ලංකාව සහ ලංකාවේ ස්වාධීනත්වය ඇද දමන ගිවිසුම් පහකට හෙට දිනයේ ලංකාවට සම්ප්‍රාප්තවන ඉන්දීය අගමැති මෝදි සමඟ වත්මන් ජනාධිපති අනුර කුමාර දිසානායක ප්‍රධාන ආණ්ඩුව අත්සන් තැබීමට නියමිතයි. ඉන්දීය මාධ්‍ය ඒ පිළිබඳ පුළුල් ලෙස වාර්තා සපයමින් සිටියත් ලංකාවේ මාධ්‍ය ආයතන හෝ රජයේ මාධ්‍ය නිවේදන කිසිව නරේන්ද්‍ර මෝදිගේ පැමිණීම හෝ එහි අරමුණ ගැන විනිවිදභාවයෙන් යුතු ප්‍රකාශයක් ඉදිරිපත්වී නැහැ.

එනමුත් බලශක්තිය, ආරක්ෂාව , සෞඛ්‍ය සේවා , ඩිජිටල් සේවා සැපයුම් යනාදී වශයෙන් ශ්‍රී ලංකාවේ ස්වාධීනත්වය බිඳ දමන අවබෝධතා ගිවිසුම් පහක් පිළිබඳ ඉන්දීය මාධ්‍ය වාර්තාකර තිබෙනවා.

ජාතික සංවිධාන එකමුතුවෙයි ක්‍රියාකාරීන් පවසන්නේ මෙම ගිවිසුම් පිළිබඳ රටට දැනුම්දීම කෙසේවෙතත් ආණ්ඩුවෙහි ඇතැම් මන්ත්‍රීවරු පවා එ පිළිබඳ නොදැනුවත් බවයි. එදා ප්‍රභාකරන්ගේ තුවක්කුව පෙන්වා ජේ.ආර්. ජයවර්ධන ජනාධිපතිතුමන් බියකර ඉන්දු ලංකා ගිවිසුම අත්සන් කළ පරිදි ම වත්මන් ආර්ථික අර්බුදය සහ IMF මාෆියාවේ අඩුවෙන් අනුර කුමාර දිසානායක ජනාධිපතිතුමන්ගේ ගෙල සිරකරමින් අවබෝධතා ගිවිසුම අත්සන් කිරීමට සූදානම් බව ද ඔවුන් ප්‍රකාශ කළා. එසේ ම මෙම ගිවිසුම එක්සත් ජාතීන්ගේ සාම කලාපීය සම්මුතීන් උල්ලංඝනය කිරීමක් බව ද ඔවුන් දැඩිව ප්‍රකාශ කළ අතර අනෙකුත් දේශපාලන පක්ෂ මේ මොහොතේ නිහඬව සිටීම ද ඉතා නිවට සහ ජානාධිපති තුමන්ට දේශපාලනිකව සියදිවි නසාගැනීමට අවස්ථාව උදා කරවන ක්‍රියාවක් බව ප්‍රකාශ කළා. මෙම සති අන්තය ශ්‍රී ලංකාවේ ස්වෛරීභාවය තීරණය කරන ඉතා වැදගත් මෙන් ම භයානක සති අන්තයක් වනු ඇති බවට අවසන් වශයෙන් අදහස් පළකළ ඔවුන් ප්‍රකාශ කළේ ජනාධිපතිතුමන්ට විකල්පයන් දෙකක් මේ වෙනුවෙන් හිමිවන බවයි. දිවි නසාගැනීමක් ලෙස සලකා මෙම ගිවිසුම් වෙත අත්සන් තැබීම ඉන් පළමු විකල්පය වන අතර නරේන්ද්‍ර මෝදී සහ ඉන්දියානු මාෆියාවට විරුද්ධව සෘජුව නැගී සීටිම ඉන් අනෙක් අපහසු සහ සාර්ථක විකල්පය බව ඔවුන් ප්‍රකාශ කළා.